Kinders geniet die kersliggie fees by Marietjie van Niekerk skoolsaal terdeë.
Bethal – “Die kersliggie fees wat onlangs by Marietjie van Niekerk skool gehou was, was ‘n reuse sukses,” so sê Michelle Rademeyer, een van die organiseerders van die Kersliggie fees.
Mense het van oral in die dorp saamgedrom om hierdie fees by te woon. Sommige het sommer net gekom om vir Manie Jackson te kom luister
Die aand is afgeskop met ‘n lekker bord kos vir elkeen. Vroër is hoender gebraai vir al die mense. Daar was meer as 400 mense wat kos gekry het. Die Bulletin het met een van die braaiers gepraat, “ek voel nou soos ‘n hoender,” het hy gesê, “ek het die hele middag hoender gebraai. Eks nou moeg gebraai.”
Die weer en die toestand van die paaie het veroorsaak dat Manie effe laat was maar dit het nie die gees van enigeen gedemp nie. Dit was nie lank nie of “Cupcakes” word uitgedeel.
Die aand is op gepaste wyse met ‘n gebed en ‘n kort boodskap geopen waarna Manie begin sing het.
Gedurende die vertoning het die Kersvaders opgedaag en die kinders was baie opgewonde. Hulle het hulle by die parkeer terrein die optog ingewag die afwagting was hoog.
Die Bulletin het met Michelle gesêls oor die liggiefees. “Meeste van die kinders gaan nie ‘n vrolike kersfees hê nie,” het sy geantwoord, ” party van die kinders het by die fees vir die eerste keer geeët vir die dag. Die armoede is baie hoog.”
‘n Groot gedeelte van die dag is moontlik gemaak deur Midnight Engen Vulstasie in Bethal se betrokkenheid.
Die fees was gratis aangebied en die organiseerders het baie staatgemaak op skenkings. Dankie aan elkeen wat ‘n bydrae gemaak het.
Die kinders kon nie wag om elkeen ‘n klein geskenkie te kry nie. Die gesing het vir hulle bietjie lank geword maar uiteindelik kon hulle elkeen ‘n geskenkie kry.
Lees ook: SAPS eMbalenhle needs your help!
Die ogies wat geblink het van opgewondenheid en dankbaarheid sal die Bulletin lank by bly.
Indien enige een betrokke wil raak by die volgende fees kan hulle Michelle Rademeyer by 0604917038 of Hennie Rademeyer 0765313587 kontak.
