Kruinpark kekkelkouse sluit die ATKV Redenaars seisoen op ‘n hoë noot af!
Kruinpark het die jaar weer in groot getalle deelgeneem aan die ATKV Redenaars! Altesaam het Kruinpark drie Mpumalanga eerste plekke, agt redenaars op die top tien, ses redenaars op die ATKV Nasionale top 100 en twee redenaars in die nasionale top drie. Dit is werklik ‘n prestasie om op trots te wees!
Hierdie kekkelkouse, moes nie net woorde onthou nie, maar dit was, kamera, ligte en aksie gewees! Die kekkelkouse moes die jaar net soos in 2020, aanlyn deelneem aan die ATKV Redenaars. Die leerders het hulself oortref en het Laerskool Kruinpark vele komplimente ontvang dat ons leerders so netjies op die skerms lyk!
Heike de Klerk, het ‘n eerste plek behaal, in die groep Graad 1 tot 3 Huistaal, tydens die ATKV redenaars se streeksfinaal en Nasionaal, tweede geëindig!
Busisa Mashego, het eerste plek behaal in die streeksfinaal vir die afdeling Afrikaans, eerste addisionele taal. Busisa het ook ‘n Nasionale derde plek behaal!
Om meer nuus van Laerskool Kruinpark te sien, kliek hier om hul FB Blad te volg.
Kruinpark behaal ‘n vierkuns by die Mpumalanga top tien ATKV streeksfinaal vir Graad 4 en 5 huistaal! Hier is die Kekkelkouse se plekke:
Abigail Zwarts – eerste, Anru Aucamp – sesde, Aiden Olckers – negende en Imke van der Lith – tiende!
Estian Knoetze behaal ‘n tweede plek en Amelia Shaw ‘n tiende plek by die ATKV Mpumalanga streeksfinaal.
Kruinpark Kekkelkouse kook en maak defnitief die hele Secunda trots!
