Katelyn het onlangs deelgeneem aan die Performing Arts International Stars 2021 se redenaars kompetisie.
Haar redenaars reis het begin toe sy in 2020 aan die Podiumpret kompetisie deelgeneem het en verskeie items se nasionale wennner vir haar graad was.
Katelyn was een van 11 Podiumpret deelnemers, wat gekwalifiseer het om deel te wees van Team SA. Daar was slegs twee laerskool deelnemers in die SA span.
Die kompetisie het aanlyn plaasgevind, waartydens verteenwoordigers uit 26 lande, onder andere die VSA, teen mekaar deelgeneem het. Katelyn het haar praatjie in Afrikaans gedoen en moes toe ‘n Engelse vertaling van die toespraak indien.
Lees ook: So is die lewe: Tyd vir stilte in hart van stormwind
Katelyn het tydens die kompetisie, met ‘n brons medalje weggestap – voorwaar ‘n reuse prestasie! Katelyn sê sy het nooit gedink dat sy, toe sy haar eerste opname tydens 2020 se grendeltyd gemaak het, hierdie wonderlike ervaring sou hê nie.
Laerskool Kruinpark is baie trots op hierdie pragtige prestasie van Katelyn Shaw, ‘n Kruinpark Kekkelkous in murg en been!
Besoek Laerskool Kruinpark se webblad HIER
