Om in die grendeltyd te verjaar is nie baie lekker nie, maar toe Laerskool Secunda se hoof, Marietha Cole, onlangs verjaar het, het die personeel steeds seker gemaak dat dit vir haar ‘n spesiale dag is.
KYK HIER: Juf Marietha se Driveby Verjaarsdag 2020
Sowat dertig personeel het op Dinsdag, 4 Augustus, by haar huis opgedaag om haar te verras met ‘n verbyry-verjaarsdagpartytjie.
Almal het in ‘n konvooi by haar huis verby gery om geskenkies, blomme en ballonne af te gee, vir haar ‘n elmboogdruk gegee en haar geseën vir haar 64ste verjaarsdag.
LEES OOK: Foto besorg Talitha plek onder top 5
Sy het selfs ‘n spesiale masker ontvang met haar verjaarsdagdatum op wat sy in haar boks vol herinneringe kan bêre.
