Laerskool Kruinpark het 4 skaakspanne wat deurdring na die Mpumalanga uitspele wat 3 September 2022 plaasvind
Laerskool Kruinpark se skaakseisoen het 29 Julie 2022 begin waar hulle eerste wedstryd in Leandra plaasgevind het. Die uitslae was as volg:O/13 A-naaswenners, O/13 B-naaswenners, Dogters-naaswenners, O/11-derde plek, O/9-derde plek.
Al 5 skaakspanne het aan die Munisipale liga uitspele deelgeneem wat die 12de Augustus 2022 plaasgevind het by Laerskool Kruinpark. Die spanne se uitslae was na ‘n paar naelbyt wedstryde as volg: O/13 A-wenners, O/13 B-naaswenners, Dogters-naaswenners, O/11-naaswenners en die O/9-derde plek.
Vrydag, 19 Augustus 2022 was dit die Gert Sibande Uitspele wat by Laerskool Goedehoop aangebied is. Die O/13 A, O/13 B, O/11 en O/9 spanne dring deur na die Mpumalanga Skaak byeenkoms wat die 3de September plaasvind by Curro Nelspruit.
Laerskool Kruinpark se skaakspanne is almal vreeslik opgewonde vir die geleentheid om aan die Mpumalange byeenkoms te kan deelneem!
In Februarie 2022 het Laerskool Kruinpark 13 atlete gehad wat deelgeneem het aan die Mpumalanga Kampioenskappe vir atletiek ook.
Vir meer nuus oor Laerskool Kruinpark se aktiwiteite, volg hulle Facebookblad by Laerskool Kruinpark Amptelik.
