Hoogenhout skuts skiet SA’s in pos kompetisie
Die Covid pandemie het ook sy tol ge-eis op die skole skiet kompetisie. Kompetisies kon nie meer gehou word in die tradisionele sin van die woord nie en so ook moes die SA’s dan ook met ‘n “pos” kompetisie beslis word.
Die skuts kon egter heeljaar skiet aangesien dit nie ‘n groot samekoms is nie.
Die skuts van Hoërskool Hoogenhout blink uit in die sport. Daar is 8 skuts waarvan 4 in die provinsiale span opgeneem is en gekwalifiseer het vir die Suid Afrikaanse Nasionale Posliga.
Die 4 skuts is ook almal eerste jaar skuts wat die prestasie soveel groter maak. Die twee seuns, Diaan Olivier, Jan Hendrik Jansen V Vuuren, is albei onder 14 en die twee dogters, Mekaela Engelbrecht en Suané Enslin, is onder 16.
Dit is voorwaar ‘n groot prestasie.
Die Suid-Afrikaanse Nasionale Skoleskutters unie (SANSSU) bestaan uit skuts vanuit 10 provinsiale skietunies, met skuts so jonk as 9 jaar tot en met matriek.
Skuts neem deel in geweer-, presisie-, veer- en pistoolklasse, onder verskeie ouderdomsgroepe en dissiplines op ‘n 10 m afstand.
Die gewere word volgens ‘n spesifieke standaard vervaardig en is baie akuraat. Die klein koëltjies wat gebruik word weeg slegs 0,53 gram. As dit selfs ‘n fraksie minder of meer weeg kan dit die skuts negatief beinvloed.
Die kompetisie was binneshuis aangebied om eksterne faktore hok te slaan. Die skiet afstand is slegs 10 meter maar die teiken is ongelooflik klein. Die skuts skiet elke keer op ‘n nuwe teiken aangesien daar soms nie plek is om ‘n tweede skoot te kan plaas nie.
Baie geluk aan die skuts tot sovêr. Ons hoop om binnekort hulle uitslae te bring
Lees ook: Suspect arrested with a prohibited firearm
Vroer vanjaar het die span ook die streeks kompetisie gewen.
Kontak gerus vir Gideon Helberg by 082 461 8054 gchjhelberg@gmail.com vir enige verdere inligting. Hy is die streeksorganiseërder vir die Ermelo streek.
